Kathy's Blog Blog 齋

以前小朋友會追看卡通片，阿媽阿婆會追看劇集，阿爸就看新聞。免費的電視節目就係市民的精神食糧。但以現在咁低的節目質素，還會有人像以前般喜歡扭開電視機看嗎？唔知點解播放的劇集來來去去都係搵返果幾個演員做，已經拍咗咁多劇集，公式化的演技仍然無辦法令人留下深刻的印象！劇情千篇一律咁婆媽！以前市民在街上見到電視明星出現，簡直係驚鴻一瞥，依家即使在身邊行過都唔知佢地係電視明星。

香港的電視節目製作其實已經無進步和發展的空間，去Youtube呢一類Website反而能夠找到值得看和好看的影片！

轉載 on.cc 2009/10/13 本港新聞《市民通波仔排成年等死》

人命何價？財政司司長曾俊華急性心臟病即時在瑪麗醫院「通波仔」，六日便康復出院。同是醫院管理局轄下的屯門醫院，今年八月卻將一名患有心臟病、多次進出醫院的七旬婆婆，排期至明年六月才初步檢查心導管。婆婆本月二日晚病情突惡化，抽肺積水時更懷疑因人為失誤導致出血，目前性命垂危。親屬炮轟院方錯失最佳治療時間，質問：「點解曾俊華就『黃金六小時』，我o地窮人就六十日都未搞掂！」

七十一歲的馮婆婆身患心臟病、糖尿病及高血壓等多種老人病，需定期覆診。其子馮生沅說，母親今年七月曾因喘氣首度入屯門醫院，醫生八月為婆婆詳細檢查身體後表示，婆婆除因心臟毛病導致肺積水外，其他器官功能俱正常，安排明年六月檢查心導管。
屯院醫生：救番未必好

馮生沅稱，當時家屬以婆婆身體狀況不穩定為由，曾要求院方盡早檢查，冀根治其心臟問題，但院方堅持要她排隊。馮婆婆九月一日再度入院，至本月二日晚病情惡化，院方為她抽肺積水時發現血水，需立即送入深切治療部及插喉協助呼吸。馮生沅表示，日前院方一名高級醫生致電說，其母康復機會渺茫：「佢話我媽媽依家唔適宜做手術，又話自己見過一百個咁o既個案，得七、八個救得番，而且媽媽年紀大，救番都未必好。」

【本blog blog網主話齋】：

兩年前我的八十幾歲的老祖母病危送到醫院時，亦收到醫生講出同樣的說話，『甚麼年紀都咁大，救得番對病人來講都未必是好事！』。我們一家人個個都夠時間趕到去醫院，齊齊整整看着她好辛苦咁一下一下吸入吐出‧‧‧足足辛苦了幾個鐘咁去咗！死前連繫住她部心跳機曾發出幾次生命有危險的警號，但係無醫護過來看一看幫她急救！可能因為如醫生所講，『年紀都咁大，救番都未必好。』

我以前聽過人講，千萬不能得罪醫護界或者政府，否則有朝一日會在醫院死得好辛苦！信不信由你！